जलमग्न विराटनगर (फोटोफिचर)

विराटनगर– तीन दिनदेखिको लगातारको वर्षाले विराटनगरका अधिकांश स्थान डुबानमा परेको छ। हिँडडुलमा समस्या पर्नेगरी सडकभरि पानी छ। होचा स्थानका घरहरुमा पानी पसेको छ। 

हावापानी फिल्ड कार्यालय विराटनगरका अनुसार तीन दिनको वर्षा यो वर्षकै उच्च हो। कार्यालय प्रमुख विकास देउजाका अनुसार विराटनगरमा असोज ७ गते १४१, ८ गते ८८.३ र असोज ९ गते १०८.५ मिलिलिटर वर्षा भएको छ। 

जिल्ला प्रहरी कार्यालय मोरङका प्रवक्ता डिएसपी मानबहादुर राईले धेरै स्थान डुबानमा परे पनि स्थानान्तरण गर्नुपर्ने गरी समस्या नभएको बताए।