पर्सामा थप एक कोरोना संक्रमितको मृत्यु

पर्सा– कोरोनाको हटस्पट बनेको वीरगन्जमा थप एक कोरोना संक्रमितको मृत्यु भएको छ।

मृत्यु हुनेमा वीरगन्ज महानगरपालिका वडा नम्बर १२ मुर्लिका ६० वर्षीय पुरुया रहेको कोभिड अस्पताल नारायणीका संयोजक डा. उदयनारायण सिंहले जानकारी दिए।

गत शनिबार कोरोना पुष्टि भएका उनी उच्च रक्तचाप, मधुमेह तथा प्यारालाइसिसका बिरामी थिए।

योसँगै पर्सामा १८ जना कोरोना संक्रमितको मृत्यु भएको छ।

पर्सामा एक हजार १६८ जनामा कोराना संक्रमण देखिएको छ। जिल्लाभर हालसम्म १५ हजार ४४ जनाको पीसीआर टेष्ट भएको छ भने ८६८ जनाको रिपोर्ट आउन बाँकी रहेको अस्पतालकाका चिकित्सक डा. निरज सिंहले जानकारी गराए।