सांसद यादवसहित पर्सामा थप ६४ जनामा कोरोना संक्रमण

पर्सा- पर्सा निर्वाचन क्षेत्र नम्बर १ का सांसद प्रदीप यादवसहित थप ६४ जनामा कोरोना संक्रमण भएको छ।

नारायणी अस्पतालबाट शुक्रबार अबेर सार्वजनिक पीसीआर रिपोर्टअनुसार पर्सामा थप ६४ जनामा कोरोना संक्रमण पुष्टि भएको हो।

सांसद यादवले आफूलाई संक्रमण भएको खबर आएको जानकारी नेपाल समयलाई दिए। उनले दुई दिनदेखि खोकी लागे पनि ज्वरो आउने लगायतका लक्षण आफूमा नदेखिएको बताए।

संक्रमित हुने अन्यमा वीरगन्ज महानगरको मेनरोड लोहारपट्टी वडा नम्बर ६ का २५ जना छन्। यस्तै वडा नम्बर ८ गहवाका १२ जना छन्।

ड्राइपोर्ट सिर्सिया २५ का १० जना संक्रमित भएका छन्। अन्य संक्रमितमा महानगरको राधेमाई, नगवा, रानीघाट, पानीटंकी क्षेत्रका रहेको अस्पतालका चिकित्सक डा. निरज सिंहले जानकारी दिए।