कोरोना संक्रमितकै विमानमा आएकाको स्वाब परीक्षण भएन

कपिलवस्तु - कोरोना संक्रमित चढेर आएको कतार एयरवेजको विमानमा आएका कपिलवस्तुका दुई युवाको अझै स्वाब परीक्षण हुन सकेको छैन।

विमानमा सवार युवतीमा कोरोना भाइरस संक्रमण रहेको पुष्टी भएपनि उनीसंगै दोहाबाट आएका मायादेवी गाउँपालिकाका दुई युवाको स्वाब परीक्षण हुन नसकेको हो। उनीहरु दुवै जना स्थानीय क्वारेन्टाइनमा छन्।

मायादेवी गाउँपालिकाका स्वास्थ्य शाखा प्रमुख महेन्द्र यादबले उनीहरुमा संक्रमणको लक्षण नदेखिएकाले परीक्षण नगरिएको बताए। उनले भोली सोमबार १४ दिन पुग्ने भएकाले उनीहरुलाई छाड्ने तयारी भइरहेको बताए।