कर्मचारीलाई गुगलका सीईओको इमेलः कम्पनीको सूचना लिक भइरहेको छ

यो वर्ष (सन् २०१९) गुगल कर्मचारीका लागि त्यति सन्तोषजनक वर्षको रुपमा रहेन । गुगल कम्पनीमा एउटा परम्परा छ– टीजीआईएफ (थ्यांक्स गड इट्स फ्राइडे) को । यो जमघटमा कर्मचारीहरुले आफ्ना अनुभव सेयर गर्ने तथा माथिल्लो तहका कर्मचारीसामु गुनासाहरु राख्ने अवसर पाउँछन् ।
यसैबीच,गुगलका सीईओ सुन्दर पचाइले कर्मचारीलाई इमेल लेख्दै टीजीआईएफ अब महिनाको एकदिन मात्र हुने जानकारी गराएका छन् । गुगलका धेरै सूचना लिक हुन थालेपछि पचाइले यस्तो घोषणा गरेका हुन् । गुगलका सीईओले कर्मचारीलाई इमेलमा भनेका कुराहरु ग्याजेट्सनाउ डटकमले सार्वजनिक गरेको छ । जुन यस्ता छन्–

१) गुगल कर्मचारीको सामूहिक भेटघाट कार्यक्रम अब महिनामा एक दिनमात्र हुनेछ ।
२) सामूहिक भेटघाटमा दिइएका सूचनाहरु लिक भइरहेका छन् ।
३) सामूहिक भेटघाटमा उपस्थित हुनु दर्शकको संख्या पनि घटाइएको छ ।
४) गुगलले सोसल टीजीआईएफ सुरु गर्दैछ ।
५) कम्पनीका बारेमा जानकारी गराउन गुगलले नियमित रुपमा भिडियोहरु सेयर गर्नेछ ।
६) भेटघाटका लागि कर्मचारीलाई सीमित समयमात्र दिइनेछ ।

टाइम्स अफ इन्डिया