लुम्बिनीका मुख्यमन्त्री केसीले पाए विश्वासको मत, पक्षमा ४२, विपक्षमा शून्य

काठमाडौं- लुम्बिनीका मुख्यमन्त्री कुलप्रसाद केसीले विश्वासको मत प्राप्त गरेका छन्। सोमबारको प्रदेश सभा बैठकमा मुख्यमन्त्री केसीले विश्वासको मतका लागि प्रस्ताव पेस गरेपछि भएको मतदानमा उनले बहुमत प्राप्त गर्दै विश्वासको मत प्राप्त गरेका हुन्। 

मुख्यमन्त्री केसीको पक्षमा ४२ सांसदले मत दिएका थिए। उनको विपक्षमा कसैले पनि मत दिएनन्। मतदानमा जम्मा ४३ थिए। तर एक जना तटस्थ बसेका थिए। 

हाल प्रदेशसभामा ८० जना सांसद छन्। केसीको पक्षमा परेको ४२ मत कुल सांसद ८० को बहुमत भएकाले केसीले विश्वासको मत पाएको सभामुखले घोषणा गरेका छन्। 

विश्वासको मत कार्यक्रमलाई प्रमुख प्रतिपक्षी दल एमालेले भने बहिष्कार गरेको थियो। एमाले नेतृत्वको सरकार ढलेपछि केसी मुख्यमन्त्रीमा नियुक्त भएका थिए।