विश्वासको मत लिने तयारीमा लुम्बिनी सरकार, विपक्षी भन्छ– बैठक चल्नै दिँदैनौं

बुटवल– लुम्बिनी प्रदेश सरकारले बल प्रयोग गरेरै भए पनि विश्वासको मत लिने मनस्थिति बनाएको छ। प्रदेश सरकारका मन्त्री डिल्ली चौधरीले सरकार विश्वासको मत लिने तयारीमा रहेको बताए। उनले सरकारविरुद्व प्रतिपक्षीले असहिष्णु व्यवहार गरेको आरोप लगाए।

विपक्षी एमालेका सांसद भने बैठक चल्न नदिने पक्षमा छन्। एमाले संसदीय दलका नेता भूमीश्वर ढकालले सरकारले जे गरे पनि सदन चल्न नदिने बताए। उनले सरकारले २ जना सांसदलाई कारबाही नगरेसम्म अवरोध गर्ने भनाइ राखे। बैठक दिउँसो साढे २ बजेसम्मका लागि स्थगित गरिएको छ।