कर्णालीमा काम गर्न नसक्ने मन्त्रीको विकल्प खोजीने

सुर्खेत- कर्णाली प्रदेश सरकारका मुख्यमन्त्री र मन्त्रीबीच कार्य सम्पादन सम्झौता भएको छ। शुक्रबार मुख्यमन्त्री महेन्द्रबहादुर शाही र विभिन्न ७ मन्त्रीबीच कार्य सम्पादन सम्झौता भएको हो। 

सरकारको काम कारबाहीलाई र बजेट कार्यान्वयनलाई उपलब्धिमूलक बनाउन मुख्यमन्त्री र मन्त्रीबीच कार्य सम्पादन सम्झौता भएको हो। ‘अघिल्लो वर्षमा कार्य सम्पादन सम्झौता गर्दा सरकारको प्रगति बढेको थियो, सोही अनुसार यो वर्ष सरकारले कार्यसम्पादन सम्झौता आवश्यक ठान्यो’ मुख्यमन्त्री शाहीले भने, ‘कार्य सम्पादनको उचित मूल्याङ्कन गर्ने छ, यदि कार्य सम्पादन जिक्त बुझ्दो भएन नभए त्यसको विकल्पसमेत खोजिने छ।’ 

सम्झौतामा काम गर्न नसक्ने मन्त्रीलाई हटाउने भन्ने उल्लेख छैन। तर, मन्त्रीको कार्य सम्पादन र विकल्पका बारेमा सम्बन्धित पार्टीसँग छलफल गरिने छ। योसँगै अब मन्त्रीहरू सचिव र सचिवले कार्यालय प्रमुखसँग कार्यसम्पादन सम्झौता गर्नेछन्।