शौचालय जाँदा हात्तीको आक्रमण, सुनसरीमा एकको मृत्यु

सुनसरी- सुनसरीको कोशी गाउँपालिका-४ मा जंगली हात्तीको आक्रमणमा परी एक जनाको मृत्यु भएको छ। मृत्यु हनेमा ५५ वर्षीय स्थानीय रामेखङ्ग खत्वे छन्। 

कोशीटप्पु वन्यजन्तु आरक्ष नजिकै खत्वे टोलका खत्वे शौचालय गएका बेला आरक्षबाट निस्केको हात्तीले आक्रमण गरेको थियो। उनको घटनास्थलमै ज्यान गएको प्रहरीले जानकारी दिएको छ।

मृतकको शव पोस्टमार्टमका लागि सुनसरी जिल्ला अस्पताल, इनरूवा लगिएको प्रहरीले जानकारी दिएको छ।