विद्युत् चुहावट गर्ने पाँच जना पक्राउ

जनकपुरधाम- धनुषामा विद्युत् चुहावट गर्ने पाँच जना पक्राउ परेका छन्।

इलाका प्रहरी कार्यालय र विद्युत् वितरण शाखा कार्यालय यदुकुवाबाट खटेको संयुक्त टोलीले पाँच जनालाई पक्राउ गरेको हो। उनीहरूलाई आज बिहान करिब ५:४० बजेको समयमा उनीहरूलाई पक्राउ गरिएको जिल्ला प्रहरी कार्यालय धनुषाले जनाएको छ।

प्रहरी र विद्युत् वितरण शाखाका टोलीले हंसपुर नगरपालिका र जनकनन्दनी गाउँपालिका अन्तर्गतका मानिसहरूलाई विद्युत् चुहावट गरिरहेको अवस्थामा पक्राउ गरिएको प्रहरीले जनाएको छ। पक्राउ गरिएका उनीहरू थप अनुसन्धानका लागि प्रहरीको नियन्त्रणमा रहेको छ।