मेडिकल स्नातकको लाइसेन्स परीक्षा जेठमा

काठमाडौं- नेपाल मेडिकल काउन्सिलले आउँदो वर्ष २०८० का लागि स्नातक र स्नातकोत्तर तहको लाइसेन्स परीक्षा तालिका सार्वजनिक गरेको छ।

तालिका अनुसार स्नातकको जेठ, असोज र माघमा लाइसेन्स परीक्षा हुनेछ। स्नातकोत्तरको विशेष परीक्षा साउन, मंसिर र चैतमा हुने तालिका छ।

आउँदो वर्ष स्नातक तहको पहिलो लाइसेन्स परीक्षा जेठ १७, १८ र १९ गते हुनेछ । त्यसका लागि वैशाख ४ गतेदेखि अनलाइन फराम खुला गरिनेछ।

योपटकको परीक्षामा विदेशी कलेजहरूमा भर्ना भई नेपालमै इन्टर्नसिप गरिरहेका विद्यार्थी पनि सहभागी हुन पाउने काउन्सिलले जनाएको छ।