सवारी ज्यान मुद्दाका फरार अभियुक्त पक्राउ

काठमाडौं- कैलाली प्रहरीले सवारी ज्यान मुद्दाका फरार अभियुक्तलाई पक्राउ गरेको छ।

२०५८ असोज १० गते कैलाली जिल्ला अदालले सवारी ज्यान मुद्दामा एक महिना कैद र तीन सय रुपैयाँ जरिवाना तोकेपछि फरार रहेका आसवानी शर्मालाई प्रहरीले पक्राउ गरेको हो।

धनगढी उपमहानगरपालिका-४ बस्ने ६० वर्षीय शर्मालाई मंगलबार दिउँसो २ बजेर २० मिनेटमा पक्राउ गरिएको प्रहरीले जनाएको छ। उनलाई कैलाली जिल्ला अदालतमा उपस्थित गराइएको छ।