७४ नासु शाखा अधिकृतमा बढुवा सिफारिस

काठमाडौं- बढुवा सिफारिस समितिले एकै पटक ७४ नासु तहका कर्मचारीहरुलाई अधिकृतमा बढुवा सिफारिस गरेको छ।

बढुवा सिफारिस समितिको शनिबार बसेको बैठकले जेष्ठता र कार्यसम्पादन मूल्यांकनका आधारमा ती कर्मचारीको बढुवा सिफारिस गरेको हो।

जसअनुसार नेपाल प्रशासन सेवा,सामान्य प्रशासन समूहबाट ३९,नेपाल प्रशासन सेवा लेखा समूहबाट २१ र नेपाल प्रशासन सेवा राजश्व समूहबाट १४ जना बढुवा सिफारिस भएका छन्।