मिटरब्याजपीडित पैदलै आन्दोलनका लागि उत्रिए काठमाडौं

काठमाडौं– मिटरब्याजका कारण बेघर हुने अवस्थामा पुगेका तराई मधेसका मिटरब्याज पीडितहरू आन्दोलनका लागि पैदल यात्रा गरेरै संघीय राजधानी काठमाडौं आइपुगेका  आइपुगेका छन्।

महोत्तरीको बर्दिवासबाट पैदलै हिँडेर उनीहरू ११औं दिन आज काठमाडौंको मातातीर्थ भित्रिएका हुन्। मिटरब्याजपीडित महिला, पुरुषले २ चैतमा महोत्तरीको बर्दिवासबाट पैदल यात्रा थालेका थिए गरेका थिए। सरकारलाई दबाब दिन काठमाडौं आएकामध्ये कतिपय महिलाले काखमा बच्च च्यापेर पैदल यात्रा समापन गरेका छन्।

मिटरब्याजविरुद्धको संघर्ष समितिको अगुवाइमा काठमाडौं आएका उनीहरूले सुदखोरलाई पक्राउ गर्नुपर्ने, तमसुक व्यवस्था खारेज गर्नुपर्ने, मिटरब्याजीको सम्पत्ति छानबिन गर्नुपर्ने, पीडितको सम्पति फिर्ता गर्नुपर्नेलगायत माग राखेका छन् । 

बर्दिबासबाट सुरु भएको मिटरब्याज पीडित पैदल–यात्रा सर्लाहीको लालबन्दी, रौतहटको चन्द्रनिगाहपुर, बाराको पथलैया, मकवानपुरको हेटौंडा हुँदै काठमाडौं आइपुगेको हो । 

पैदलयात्रामा सप्तरी, सिरहा, धनुषा, महोत्तरीलगायत जिल्लाका करिब ७० जना मिटरब्याज पीडित सहभागी छन् । लामो समयदेखि सम्बन्धित जिल्लामै मिटरब्याजीविरुद्ध आवाज उठाएर आन्दोलन गरिरहे पनि सरकारले नसुनेपछि अन्तिम संघर्षका लागि काठमाडौं आइपुगेको पीडितहरू बताउँछन्।