राष्ट्रपति रामचन्द्र पौडेलले गरे गोरखनाथ मन्दिर दर्शन 

काठमाडौं– राष्ट्रपति निर्वाचित भएपछि रामचन्द्र पौडेल पहिलोपल्ट गोरखा भ्रमणमा निस्किएका छन्।

राष्ट्रपति पौडेलले आइतबार बिहान १० बजे गोरखा पुगेर कालिका मन्दिर र गोरखनाथ मन्दिरमा पूजाआजा गरेको राष्ट्रपति कार्यालय शीतलनिवासले जानकारी दिएको हो।

राष्ट्रपति पौडेलले गोरखामा करिब दुई घन्टा बिताउने तालिकाअनुसार ऐतिहासिक गोरखा दरबार र संग्रहालय अवलोकन गरिरहेका छन्। नेपाली सेनाको हेलिकोप्टरबाट गोरखा आएका पौडेल आजै काठमाडौं फिर्ता हुँदै छन्।