हिउँपहिरोमा फसेका दुई जनाको उद्धार

नवलपरासी पूर्व- उत्तरी गोर्खाको हिउँपहिरोमा फसेका पूर्वी नवलपरासीका दुई जनाको सकुशल उद्धार गरिएको छ। गोर्खाको चुमनुब्री गाउँपालिका वडा नम्बर–१ स्थित लार्के पास जान हिँडेका पूर्वी नवलपरासी दलदलेका दुई जनाको सकुशल उद्धार गरिएको हो।

सौरभ खनाल र उनकी साथी अनिता बुधबार साँझदेखि हिउँपहिरोमा फसेका थिए। बिहीबार बिहान सुरक्षाकर्मीको टोलीले उनीहरूलाई चुमनुब्री गाउँपालिकाको धर्मशालाबाट उद्धार गरेको हो। 

उनीहरूलाई ५ सय मिटर तलसम्म बोकेर ल्याइने र त्यहाँबाट हेलिकप्टरबाट उद्धार गरिने गोरखाका प्रमुख जिल्ला अधिकारी दिनेशसागर भुसालले बताए।