साहित्यकार गीता खत्रीलाई अनेसास डायस्पोरा नारीरत्न

काठमाडौं– अन्तर्राष्ट्रिय नेपाली साहित्य समाजले साहित्यकार गीता खत्रीलाई अनेसास डायस्पोरा नारीरत्न २०२३ बाट पुरस्कृत गर्ने भएको छ।

अनेसास बोर्ड अफ ट्रस्टीका निवर्तमान सभापति खत्रीले साहित्यिक सिर्जनाका साथै अनेसासको नेतृत्व गरेर डायस्पोरामा साहित्यको संस्थागत गरिमा बढाउने कार्य गरेका कारण पुरस्कृत गर्न लागिएको हो।

कथा, नियात्रा, कविता, गीत, खण्डकाव्यलगायतका विधामा कलम चलाउँदै आएकी खत्री अनेसासको बिओटी र केन्द्रको अध्यक्ष हुने पहिलो महिला हुन्।

साहित्य–प्रेमी रोहिणी शर्माको प्रायोजनमा प्रदान गरिने उक्त पुरस्कारको रकम ५०१ डलर रहेको छ।

मार्च १०–१२ मा हुने बोस्टन साहित्य सम्मेलनमा साहित्यकार खत्रीलाई पुरस्कृत गरिनेछ।

अनेसासका केन्द्रीय अध्यक्ष गोवद्र्धन पूजाको अध्यक्षतामा हालै बसेको कार्यसमिति बैठकले उक्त निर्णय गरेको हो।