भक्तपुरबाट होलीमा उत्छृङ्खल गतिविधि गर्ने १८ जना पक्राउ, १११ सवारी नियन्त्रणमा

भक्तपुर- होलीको क्रममा भक्तपुरमा उत्छृङ्खल गतिविधि गर्ने १८ जनालाई प्रहरीले पक्राउ गरेको छ। यसका साथै एक सय ११ वटा मोटरसाइकल र एउटा कार नियन्त्रणमा लिइएको भक्तपुर प्रहरीले जनाएको छ।

भक्तपुर प्रहरी परिसरका एसपी प्रजित केसीका अनुसार होलीको क्रममा कुनै अप्रिय घटना भने भएनन्। उनका अनुसार भक्तपुरको होली शान्तिपूर्वक सम्पन्न भएको छ। 

होलीको क्रममा हुनसक्ने सम्भावित दुर्घटनालाई मध्यनजर गरी अरनिको राजमार्ग अन्तर्गत जगाती लगायतका ठाउँ-ठाउँमा सवारी चेकिंग गरिएको थियो।