ड्युटीमै बेहोस भएर एक प्रहरीको मृत्यु

धनगढी- कैलालीको कैलारी गाउँपालिका ७ रतनपुरका एक प्रहरीको बैतडीमा मृत्यु भएको छ।

बैतडीको मेलौली नगरपालिका २ सलेना प्रहरी चौकीमा कार्यरत प्रहरी सहायक हवलदार नवीन चौधरीको ड्युटीको क्रममा एक्कासि बेहोस भएर मृत्यु भएको जिल्ला प्रहरी कार्यालय बैतडीले जानकारी दिएको छ ।

बुधबार दिउँसो ड्युटीको क्रममा एक्कासि बेहोस भएर उपचारका लागि पाटन प्राथमिक स्वास्थ्य केन्द्रमा पुर्‍याउँदा डाक्टरले चौधरीलाई मृत घोषणा गरेका थिए।