वसन्तपुरमा चीर ठड्याएर होली पर्वको संकेत

काठमाडौं– काठमाडौंको हनुमानढोकास्थित वसन्तपुरमा होलीको चीर ठड्याइएको छ। चीर ठड्याइएसँगै होली पर्व सुरु भएको मानिन्छ। सोमबार रंगीबिरंगी कपडाको ध्वजासहितको तीन खण्डे चीर ठड्याइएको हो।

फागुन शुक्ल अष्टमीदेखि फागुन शुक्ल पूर्णिमासम्म होली पर्व मनाउने गरिन्छ। हनुमानढोकास्थित वसन्तपुरमा चीर ठड्याएसँगै मुलुकभर औपचारिक रूपमा होली पर्व सुरु भएको मानिन्छ।

चीर ठड्याइसकेपछि गुर्जुको पल्टनबाट हर्षबढाइँ गरिएको थियो। त्रेता युगदेखि चलिआएको होली चीरको विशेष महत्त्व रहेको धार्मिक ग्रन्थहरुमा उल्लेख छ।