घाँस काट्न जाँउ भन्दै जंगल लगेर श्रीमतीको हत्या

उदयपुर- जङ्गलमा लगेर धारिलो हतियार प्रहार गरी उदयपुरमा एक जनाले आफ्नै श्रीमतीको हत्या गरेका छन्।

श्रीमती २३ वर्षीया श्रीमती युनिका पौडेल खत्रीको हत्या गरेको आरोपमा प्रहरीले बेलका नगरपालिका–९ भचुवाका २७ वर्षीय विनोद खत्रीलाई पक्राउ गरेको छ।

बेलका नगरपालिका–६ को जाप्पादेवी रमिते सामुदायिक वनमा बिहीबार दिउँसो दुवै जना घाँस काट्न गएका थिए। उक्त जंगलमा युनिकाको शव फेला परेको इलाका प्रहरी कार्यालय रामपुरले जानकारी दिएको छ।

प्रहरीले शवलाई पोष्टमार्टमका लागि बीपी कोइराला स्वास्थ्यविज्ञान प्रतिष्ठान धरान पठाएको र विनोदलाई पक्राउ गरेर अनुसन्धान गरिरहेको जनाएको छ।