टयाक्टरसँग मोटरसाइकल ठोक्किँदा रुपन्देहीमा एक जनाको मृत्यु

काठमाडौं- रुपन्देहीको लुम्बिनी सांस्कृतिक नगरपालिका–८ भगतपुरवामा टयाक्टरको पछाडि मोटरसाईकल ठोक्किँदा एक जनाको मृत्यु भएको छ। 

मृत्यु हुनेमा मोटरसाइकल चालक रुपन्देहीको गैडहवा गाउँपालिका–६ का राजेन्द्र पाशी रहेका छन्। उनको उपचारको क्रममा भिम अस्पताल भैरहवामा बिहीबार राति सवा १० बजे मृत्यु भएको हो।

लु ८६ प ४०५ नम्बरको मोटरसाईकल लु ४ त ४४६५ नम्बरको ट्याक्टरको पछाडि ठोक्किँएको थियो। फरार रहेका ट्रयाक्टर चालकको खोजी भइरहेको ईलाका प्रहरी कार्यालय लुम्बिनीले जनाएको छ।