हात्तीको आक्रमणबाट मकवानपुरमा एक पुरुषको मृत्यु

हेटौंडा- जंगली हात्तीको आक्रमणबाट मकवानपुरको बकैया गाउँपालिकामा एक पुरुषको ज्यान गएको छ। 

बकैया गाउँपालिका वडा नम्बर ५ पावस निवासी ५० वर्षका सन्तलाल माझीको हात्तीको आक्रमणमा परी ज्यान गएको हो।

बाख्रा ब्याएको र पाठापाठीलाई दुध खुवाउन गोठमा जाँदा केही समय अघि जंगली हात्तीले उनलाई आक्रण गरी घाइते बनाएको थियो। गम्भीर घाइते माझीलाई उपचारको लागि हेटौँडा ल्याइएकोमा हेटौंडा अस्पतालका डाक्टरले उनलाई मृत घोषणा गरेको जिल्ला प्रहरी कार्यालय मकवानपुरले जनाएको छ।