ताजकिस्तानमा गयो ६.८ म्याग्निच्युडको भूकम्प

काठमाडौं- ताजकिस्तानमा ६.८ म्याग्निच्युडको शक्तिशाली भूकम्प गएको छ। अमेरिकी भूगर्भ सर्वेक्षणले बिहीबार बिहान नेपाली समयानुसार करिब ६ बजे ताजकिस्तानमा शक्तिशाली भूकम्प गएको जनाएको छ। 

भूकम्प चीनसम्म पनि महसुस गरिएको बताइएको छ। युएसजीएसका अनुसार भूकम्पको केन्द्रबिन्दु पूर्वी ताजिकिस्तानको मुर्गोबबाट ६७ किलोमिटर पश्चिममा रहेको थियो।

समाचार एजेन्सी एफपीका अनुसार स्थानीय समय अनुसार बिहान ५:३७ मा भूकम्प गएको थियो र यसको केन्द्र जमिनबाट २०.५ किलोमिटर तल थियो।