नम्बर नखुलेको सवारीले ठक्कर दिंदा रौतहटमा एक जनाको ज्यान गयो

रौतहट- परौहा नगरपालिका -६ स्थित कल्भर्ट पुल नजिक सडकमा नम्बर नखुलेको सवारी साधनको ठक्करबाट एक जनाको मृत्यु भएको छ। करिब ६० वर्षीय पुरूषको बुधबार मृत्यु भएको छ।

मृत्यु हुनेको पहिचान भने खुलेको छैन। क्करबाट गम्भीर घाइते भएका उनको प्रादेशिक अस्पताल गौरमा उपचारको क्रममा मुत्यु भएको हो।

फरार रहेको ठक्कर दिने सवारी साधनको खोजी भइरहेको प्रहरीले जनाएको छ। दुर्घटनाका सम्बन्धमा आवश्यक अनुसन्धान भइरहरेको प्रहरीले जनाएको छ।