झाडीमा भेट्टाएर ल्याएको विस्फोटक पदार्थ पड्किंदा दुई बालक घाइते

पोखरा- पोखरामा विस्फोटक पदार्थ पड्किंदा दुई बालक घाइते भएका छन्। बालकहरुले उक्त पदार्थ नजिकै को झाडीबाट ल्याइएको बुझिएको छ। घाइते हुनेमा १५ वर्षीय माइकल चौधरी र १३ वर्षीय सविन तामाङ छन्।

घटना हिजो मंगलबार भएको भए पनि आज बुधबार मात्र सार्वजनिक भएको हो।

घाइते बालकको अहिले पोखरा स्वास्थ्य विज्ञान प्रतिष्ठानमा उपचार भइरहेको जिल्ला प्रहरी कार्यालय कास्कीले बताएको छ।

विस्फोटक पदार्थ कहाँ र कस्तो अवस्थामा थियो भन्नेबारे अनुसन्धान भइरहेको प्रहरीले जनाएको छ।