बेलबारीमा बसको ठक्करबाट एक साइकलयात्रीको ज्यान गयो

काठमाडौं- मोरङको बेलबारीमा बुधबार बिहान यात्रुबहाक बसको ठक्करबाट एक साइकलयात्रीको मृत्यु भएको छ। साइकलमा सवार अर्का एक जना घाइते भएको प्रहरीले जनाएको छ। पूर्व–पश्चिम लोकमार्गअन्तर्गत बेलबारी नगरपालिका–१ मा ना ५ ख ६९४२ नम्बरको बसले  एकैपटक दुईवटा साइकललाई ठक्कर दिएको थियो।

दुर्घटनामा साइकलयात्री बेलबारी–२ का १९ वर्षीय लेखनाथ चौहानको मृत्यु भएको मोरङ ट्राफिक प्रहरी जनाएको छ। गम्भीर घाइते चौहानलाई उपचारका लागि विराटनगरको नोबेल शिक्षण अस्पताल ल्याइपुर्‍याउनासाथ चिकित्सकले मृत घोषित गरेका हुन्। 

बसको ठक्करबाट अर्को साइकलका यात्री बेलबारी–२ का १८ वर्षीय राम बस्नेत घाइते भएका छन्। बस र चालक स्याङ्जाको आँधीखोला गाउँपालिका–२ का ३८ वर्षीय नरेन्द्र दर्जीलाई नियन्त्रणमा लिएर अनुसन्धान सुरु गरेको प्रहरीले जनाएको छ।