मानसिक सन्तुलन गुमाएकी आमा दुई छोरासहित नहरमा हामफालिन्, तीनैको शव भेटियो

नवलपरासीको गण्डक नहरमा दुई छोरा लिएर आमा हामफालेकी छन्। आमासहित तीनै जना मृत भेटिएका छन्। 

नवलपरासीको सुस्ता गाउँपालिका-२ हरकपुराकी २९ वर्षीया प्रतिमा थारू ९ वर्षीय क्रिस र ७ वर्षीय सुमितलाई लिएर नहरमा हामफालेकी थिइन्। प्रहरी टोलीले घटनास्थलदेखि एक सय  मिटर तल तीनै जनाको शव फेला पारेको छ।

ती महिलाले आफ्नो दायाँ र बायाँ हातमा छोराहरूको हातलाई सलले बाँधेर नहरमा हामफालेको बताइएको छ। उनको मानसिक सन्तुलन बिग्रिएको स्थानीयले बताएका छन्। उनका श्रीमान् भने वैदेशिक रोजगारीमा छन्।