महिलाको हत्या आरोपमा पतिसहित तीन जना पक्राउ

विराटनगर- मोरङको बुढीगंगा–२ मा हत्या गरिएकी महिलाका पतिसहित ३ जनालाई प्रहरीले नियन्त्रणमा लिएको छ। मृतक महिला विराटनगर–१९ घर भएकी २८ वर्षीया प्रियंका सुनवार हुन्। उनका पतिको नाम भने प्रहरीले सार्वजनिक गरेको छैन। 

हत्यापछि बोरामा पोको पारेर राखेको अवस्थामा उनको शव फेला परेको थियो।

स्थानीयले थाहा पाएर प्रहरीलाई खबर गरेपछि घटना बाहिर आएको हो। स्थानीय नरसिंह चौधरीको घरभित्र बोरामा पोको पारेको अवस्थामा शव भेटिएको मोरङ प्रहरीका प्रवक्ता डीएसपी टीकाबहादुर कार्कीले जानकारी दिए।