प्रधानमन्त्री प्रचण्ड भेट्न बालुवाटार पुगे ओली

काठमाडौं– प्रधानमन्त्री  पुष्पकमल दाहाल प्रचण्डलाई भेट्न  एमाले अध्यक्ष केपी ओली बालुवाटार पुगेका छन्। मंगलबार प्रधानमन्त्रीको सरकारी निवास बालुवाटारमा दुई नेताबीच भेटवार्ता भएको हो। दुई नेताबीचको भेटमा प्रदेश मन्त्रिपरिषद् विस्तार, सभामुख र उपसभामुखको निर्वाचन परिणामलगायत विषयमा छलफल भएको बुझिएको छ। 

भेटमा भविष्यमा हुने राष्ट्रपति तथा उपराष्ट्रपतिको निर्वाचन, राष्ट्रिय सभाको उपनिर्वाचनलगायत विषयमा छलफल भएको छ। कांग्रेसले राष्ट्रपतिमा उम्मेदवारी दिने भएपछि नेकपा माओवादी केन्द्र र प्रचण्डको नाडी छाम्न ओली बालुवाटार पुगेको बताइन्छ। यद्यपि दुई नेताबीचको विस्तृत कुराकानीबारे सबै विषय बाहिर आइसकेको छैन।