डीआईजी पोखरेलले पाए प्रहरी प्रवक्ताको जिम्मा

काठमाडौं– प्रहरी नायब महानिरीक्षक (डिआइजी) पोषराज पोखरेलले नेपाल प्रहरीको केन्द्रीय प्रवक्ताको जिम्मेवारी पाएका छन्। प्रहरी महानिरीक्षक धीरजप्रताप सिंहले महानिरीक्षकको सचिवालयमा कार्यरत प्रहरी नायब महानिरीक्षक पोखरेललाई केन्द्रीय प्रवक्ताको जिम्मेवारी दिएका हुन्।

यसअघिका प्रवक्ता टेकप्रसाद राई लुम्बिनी प्रदेश प्रहरी कार्यालय तुलसीपुर दाङ सरुवा भएपछि प्रहरी नायब महानिरीक्षक पोखरेललाई केन्द्रीय प्रहरी प्रवक्ता तोकिएको प्रहरी प्रधान कार्यालयले जनाएको छ।