म्याग्दीको काफलगौरमा जिप दुर्घटना हुँदा एकको मृत्यु, सात घाइते

म्याग्दी– म्याग्दीको मंगला गाउँपालिका–२ काफलगौरमा भएको जिप दुर्घटनामा एक जनाको मृत्यु र सात घाइते भएका छन्। सोमबार थाइवाङबाट बेनीतर्फ आउँदै गरेको ग१ज ६९३८ नम्बर को बोलेरो जिप दुर्घटनामा परेको जिल्ला प्रहरी कार्यालय म्याग्दीले जनाएको हो। 

कार्यालयका प्रहरी निरीक्षक राजन ढकालले मंगला–१ की ६० वर्षीया फौमाया गर्बुजाको उपचारको क्रममा बेनी अस्पतालमा मृत्यु भएको बताए। उनका अनुसार घाइते मंगला–२ की ३४ वर्षीया सन्तु केसी, १० वर्षीया सिवानी कसी र ५ वर्षीया रिवान केसीलाई थप उपचारका लागि पोखरा पठाइएको छ। 

म्ंगला–१ की १५ वर्षीया बबिना परियारलाई उपचारपछि घर पठाइएको छ भने वडा–२ की २२ वर्षीया विपना कार्की, वडा–१ का ३८ वर्षीय तेजबहादुर गर्बुजा, २ का ५० वर्षीय भूमिकला नेपालीको बेनी अस्पतालमा उपचार भइरहेको छ। ओरालो सडकमा जिप पल्टिएर दुर्घटना भएको हो। जिप चालकलाई नियन्त्रणमा लिएर छानबिन सुरु गरिएको प्रहरी निरीक्षक ढकालले बताए।