प्रधानमन्त्रीको राजनीतिक सल्लाहकार नियुक्त भए हरिबोल

काठमाडौं– प्रधानमन्त्री पुष्पकमल दाहाल प्रचण्डले आफ्नो राजनीतिक सल्लाहकारमा हरिबोल गजुरेललाई नियुक्त गरेका छन्। गजुरेल नेकपा माओवादी केन्द्रका उपमहासचिवसमेत हुन्।

सोमबार प्रधानमन्त्री एवं माओवादी केन्द्रका अध्यक्ष प्रचण्डले गजुरेललाई राजनीतिक सल्लाहकार नियुक्त गर्ने निर्णय गरेका हुन्। गत ४ मंसिरको संघीय निर्वाचनमा सिन्धुली २ बाट प्रत्यक्षतर्फ उम्मेदवारी दिन चाहेका उनलाई  अन्तिम समय टिकट नदिई लेखनाथ दाहाललाई दिइएको थियो।