उपसभामुख राना आज सपथ लिँदै, अलग भइन् राजनीतिक जिम्मेवारीबाट

प्रतिनिधिसभाका नवनिर्वाचित उपसभामुख इन्दिरा रानाले दलीय आबद्धताबाट अलग भएको घोषणा गरेकी  छन्।

प्रतिनिधिसभाको यही माघ ७ गतेको बैठकबाट निर्वाचित भएपछि उनले उपसभामुख पदको भूमिकालाई स्वतन्त्र, निष्पक्ष, मर्यादित र विश्वासनीय बनाउन त्यो पदमा रहुञ्जेल पार्टीको सम्पूर्ण राजनीति र सांगठनिक जिम्मेवारीबाट अलग रहेको घोषणा गरेकी हुन्।

गत मंसिर ४ गते भएको प्रतिनिधिसभा सदस्य निर्वाचनमा उनी राष्ट्रिय स्वतन्त्र पार्टीबाट निर्वाचित भएकी  थिइन्। उनी समानुपातिक सांसद हुन्। उनले आज नै उपसभामुख पदको सपथ लिँदैछिन्।