काठमाडौंमा सवारी दुर्घटना हुँदा दुई जना घाइते

काठमाडौं- काठमाडौंमा ट्याक्सी र मोटरसाइकल आपसमा ठोक्किँदा दुई जना घाइते भएका छन्। भद्रकालीको आकाशे पुल नजिक गएराति ट्याक्सी र मोटरसाइकल आपसमा ठोक्किँदा दुई जना घाइते भएका हुन्।

घाइते हुनेमा मोटरसाइकल चालक उदयपुरको रौतामाई गाउँपालिका ७ घर भई हाल भक्तपुर बस्ने टेकराज मगर र पछाडि सवार दोलखाको गौरीशंकर गाउँपालिका २ घर स्थाभी घर भई हाल बालाजु बस्ने २० वर्षीय दिनेश कार्की रहेका प्रहरीले जनाएको छ। 

घाइते दुवैको महांकालस्थित राष्ट्रिय ट्रमा सेन्टरमा उपचार भइरहेको छ। घाइते भएका मध्ये कार्कीको अवस्था गम्भीर रहेको छ।  बा२ज ९५ नम्बरको ट्याक्सी र प्रदेश १-५-००१ प ५५२३ नम्बरको मोटरसाइकल गएराति पौने ११ बजे आपसमा ठोक्किएको प्रहरी वृत्त सिंहदरबारले जनाएको छ।