केन्द्रीय समिति बैठकको तयारीका लागि कांग्रेसले बोलायो पदाधिकारी बैठक

काठमाडौं- नेपाली कांग्रेसले अहिले साढे ९ बजे भापति शेरबहादुर देउवा निवास धुम्बाराहीमा बस्ने पदाधिकारी बैठक बोलाएको छ।

बैठकमा समसामयिक राजनीतिक घटनाक्रमबारे छलफल हुने बुझिएको छ।

बैठकमा केन्द्रीय समिति बैठकको तयारी, एजेण्डा लगायतका विषयमा पनि छलफल हुने बताइएको छ। कांग्रेसले केन्द्रीय समिति बैठक माघ १५ गते बोलाएको छ।

प्रधानमन्त्रीलाई विश्वासको मत दिएपछि कांग्रेसमा दुईपक्षबीचको विवाद बढ्दै गएको छ। आइतबार मात्रै शेखर कोइराला समूहले आफ्नो गुटको भेला गर्दै देउवाको सो कदमको आलोचना गरेको थियो।