ओलीले भने- गठबन्धन नै बनेको छैन, के भत्काउँछ कांग्रेसले?

नेकपा एमालेका अध्यक्ष केपी ओलीले आफूहरुले सहकार्य मात्र गरेको तर गठबन्धन नबनाएको बताएका छन्।

शनिबार संसद् बैठकपछि बाहिरिने क्रममा उनलाई पत्रकारहरुले कांग्रेसले गठबन्धन भत्काउछौं भनेको छ नि भनेर सोधेका थिए। जवाफमा उनले भने, ‘गठबन्धन गरेकै छैनौं के भत्काउने? सहकार्य गरेका हौं।’ 

उनले राष्ट्रपति निर्वाचनको तयारी राम्रो भएको बताए।  उनले भने, ‘राष्ट्रपतिको तयारी राम्रो छ।’ एमालेले राष्ट्रपतिमा आफ्नो पार्टीको उम्मेदवारमा राष्ट्रिय सहमति हुनुपर्ने बताउँदै आएको छ।