संसदमा नयाँ पालुवा पलाएको भान भइरहेको छ : सांसद गौतम

काठमाडौं- राष्ट्रिय स्वतन्त्र पार्टीकी सांसद सोबिता गौतमले प्रतिनिधिसभामा पहिलो सम्बोधन गर्दै संसदमा नयाँ पालुवा पलाएको बताएकी छन्। 

उपसभामुखको लागि पार्टीको तर्फबाट उम्मेदवार रहेकी इन्दिरा रानामगरको प्रस्तावकको रुपमा सम्बोधन गर्दै गौतमले जसरी जाडो याम सकिएर वसन्त ऋतुमा पालुवा पलाउँछन् त्यसैगरी राजनीतिमा पनि वसन्त ऋतु सुरुवात भइसकेको बताइन्।

छोटा दिन विस्तारै लामा गएर जाडो र तुसारोले उजाड बिरुवा छिट्टै आउने वसन्त ऋतु सुरु पलाउने भएझैँ राजनीतिमा पनि नयाँ पालुवा पलाएको बताइन्। उनले अहिलेको रोस्टमबाट हेर्दा संसदमा वसन्त ऋतु सुरु भएर पालुवा पलाइरहेको भान भइरहेको र यो निकै सुन्दर दृष्य भएको प्रतिक्रिया दिइन्।

उपसभामुखको लागि सिमान्तकृत समुदायका दुई जना महिलाको प्रतिष्पर्धा हुनुलाई  गौतमले लोकतन्त्र सुदृढ बन्दै गएको रुपमा लिएको बताइन्।