सुस्मिता हत्या प्रकरण : चार जनालाई जन्मकैदको सजाय

काठमाडौं- हेटौंडा उपमहानगरपालिका-४ की २४ वर्षीया सुस्मिता केसी हत्या प्रकरणणमा संलग्न ४ जनाले हत्या गरेको ठहर गर्दै  जन्मकैदको सजाय सुनाएको छ।

जिल्ला अदालत मकवानपुरले  सुस्मिताको हत्या  परिवारबाटै भएको ठहर गर्दै न्यायाधीश श्रीप्रसाद सन्जेलको शुक्रबार बसेको ईजलासले ससुरा, दुई नन्द र ज्वाइँलाई जन्मकैदको फैसला सुनाएको हो।

उनका ५८ वर्षीय ससुरा प्रकाश थापा, जेठी नन्द दुर्गा थापा, कान्छी नन्द सीता थापा र ज्वाइँ अरुण कार्कीलाई जनही २५ वर्ष जन्मकैद र  सासूलाई हत्याको मतियार ठहर गरी १० वर्ष कैदको फैसला सुनाइएको जिल्ला अदालत मकवानपुरले जनाएको छ।

सुस्मिताको २०७७ असार १ गते राति हेटौंडा उपमहानगरपालिका-४ कर्रास्थित घरमा बीभत्स ढंगले हत्या गरिएको अवस्थामा शव फेला परेको थियो।